Nga Gerina MULLAJ

Ty mbase te pelqen vetja shumë
Kur shihesh ne pasqyrën e vjetër
Kur vesh kemishën e shtrenjtë bojë-shkume
Dhe kujton dashuritë e një kohe tjetër

Ishte koha kur se njihje pushtetin
Dhe i doje njerëzit si elmazë te çmuar
Derisa u perplase me shkëmbinjt si valë deti
Dhe njohe çmimin e florinjve në duar

Të pëlqen vetja shumë patjetër
Tani që me luksin bën dashuri
S’ka mbetur asgjë nga ty, nga koha e vjetër
Veç pasqyrës që pamjen e shpirtit nuk ta di.

Facebook Comments